轉了新職業,是在學校工作,以為很正氣,誰不知內裡也是人心險惡的地方...

請我個陣我是放勞工假的,但校務處的同事是銀行假的,校務同事不單在紅日不用上班,勞假也不用上班,而勞假同事在非勞假的銀行假也不用返工...點解?.學校會迫放假,並會幫你在大假內扣除,星期六返半日的當一日扣...

今個月21-24日是復活假及星期日,學校已經開始向勞假同事埋手...校長給予特別假一天(人人有份)...我揀了21號放....理應要返22號上午及24號全日,...昨天校務處給我簽假紙,列明21號,22號及24號放假(扣大假)......我即刻問同事....

我:我都冇話要放大假(扮傻)....
校務:係呀,但學校係放紅日的...
我:但我係勞假同事,請我個陣話我只放勞假的,合約到又冇寫到會扣大假..
校務:係呀,合約冇寫架..我地一向都係咁的
我:但我唔係一向的同事,我係新黎架,點解要咁對我(委屈)
校務:如果你返..你會影響到其他人...要搵同事開門比你
我:學校知我放勞假的,知道有人要返工的,同埋我的大假不是咁用的,我有我的用處(委屈)
校務:咁學校的假都唔係你幾時想放就放
我:我知..但起碼我可以在學生假期時放...我放假有課堂安排的,唔係咁樣浪費的
校務:咁我返啦(唔多願意)....咁都要問下校長,咁但係你返黎又做咩?老師全部都放假,又冇學生...
我:唔緊要啦,我只想唔洗扣假,我寧願返工,反正我只放勞工假,學校請我個陣都知,學校應該有人開門給勞假同事返黎工作....如果唔係做咩要勞假同事?(扮傻)
校務沒有出聲
我:如果連呢D假都扣埋我...學校起不是很著數?(他們沒有出聲)....我幫你地答...係..係好著數....
校務:................
我:其實如果學校在合約寫明要扣大假,咁我可以考慮是否上班,而家我覺得好似比人欺騙(委屈)
校務:咁我地同校長傾下丫
我:好呀,你地同校長傾下先啦..我要放工了..BYE BYE

回家後,我不斷諗,學校當我是人嗎?為何連最基本的也不能安排好,為何要欺騙我?為何要讓我知道天主教機構也不是一個良好的宗教.....我只是一個普通的人.

今日學校給了我改動過的假紙,22及24日我要返工,不用扣假....這樣令我思考一陣,學校是一個怎樣的地方?為何這樣對同事,連最基本的保障也沒有...這樣的公司,不單令我覺得不安全,也失去信心....

校務有位男同事也是勞工假,我的同職位男同事也是勞工假,工友也是勞工假,但大家也被迫扣大假....點解大家可以忍受....工友可能年紀大,要顧及難搵工的問題,但兩位男同事為何能忍受?對不公平的事為何以可視而不見...在自己身上發身也無動於終?真的沒有勇氣面對及反抗嗎?是否現今的年青人只有被擺佈的一面?還是我把問題誇大了?